Será o venres, 13 de maio, ás 19.30h no Salón de Plenos da Casa do Concello de Cabanas
O Concello de Cabanas, en colaboración con Ámbita Oficina Técnica Integral e a consultora Alalá, organiza para este venres 13 de maio ás 19.30h no Salón de Plenos da Casa do Concello unha charla informativa sobre as axudas para a compra, alugueiro e rehabilitación de vivendas con fondos europeos.
A vivenda nos concellos de reto demográfico, como Cabanas, será un dos temas a tratar nesta conferencia, afondando nos modelos de habitabilidade, as condicións do prezo da vivenda ou o papel que xogan os concellos.
Ademais, tamén se explicarán as diferentes axudas para a compra, alugueiro e rehabilitación de vivenda vencelladas aos fondos Next Generation, e os requirimentos técnicos en materia de eficiencia enerxética e normativa de rehabilitación.
